昨日下班天黑黑，又涼涼的，本想回去小睡一下再去開會，突想想到我的舊跑鞋已經破到不行，好吧，去買一雙。路上都是照原先計劃去買adizero cs的，但好車，過左馬路。第一間舖頭係明將，買mizuno的，之前個對都係mizuno，覺得都幾好，而且一著就著左10年都仲跑得，一行入去睇左一兩對，問下有冇折先，有9折喎，同個張卡去阿發度買差唔多啦，好就係個度買左，最鐘意個款冇我號碼，最後都係選左款紅色的，番屋企時至唸到又買左紅色呀，之前先買左對紅既new balance。番到屋企阿媽又話好鐘意呢隻鞋，話個頭大，唔會頂到d腳趾。最後都係冇訓到去左開會，好眼訓。昨日終於下定決心放左隻中國水務同富士康，隻水務渣左差唔多成年，最高2.45都冇放，牛皮左成大半年，忍唔住放鬼左佢。隻富士康放左都有d後悔架，放左之後就上番23蚊。將所有放左既錢入左係中石油，全日低點8.19入，昨晚睇住d期油假係咁跌，個心都涼左半截，不過今日中石油開市又升左小小，真係好彩。都係個句，想到就去做，冇錯既。
原來個mail真係佢，不過睇黎幾年冇見，好多野都變左，覺得佢好冷淡。
留言
八月，中學同學老友返黎探親，去咗美國十年，由書信到email都經常聯絡，但見面發現大家都變咗好多，多到無野好講。
四月，一個做咗尼姑嘅大學老友email問我幾時去香港，咁啱過兩日我真係要過香港就相約見面！雖然大家少聯絡，但仲係好老友，佢當年仲通知我佢出咗家添。
其實我同前者所謂互通email，當中内容慢慢開始無交流，通常得我講自己嘅心事，對方好多野無講；後者反而可以心照不宣，閉關都見我，「老友黎咖嘛！」
究竟係咩變咗？