Murphy's Law 梅菲定理

Anything that can go wrong will go wrong.
係唔係就係衰開有條路，明知衰硬都要行，通常總係想做野時就出現衰野。番工至落雨，想訓覺至電話響，冤家路窄，政府挖路越挖越爛。
我地退休想做咩，阿明仔話要環遊世界，喂現實d喇，環遊中國你就得。何b他又話我要有層高層望風既樓，喂你依家可以開始供樓，供滿50年有冇海就睇政府既造化，不過睇黎都係冇架喇。小新話想移民，唔想留係呢個全世界人口密度最高，政府又無能只識搵錢，又只識發展賭業既地方，呀呢個唸法真係唔錯，不過你要學好d雞腸鴨腸，同搵多d錢，同埋除非你去打劫，唔係靠你份人工都唔使旨意夠錢移民。牛b兄話打算依家即係自殺再搵注好人家投胎，牛b兄就最積極喇，睇下依家含住金鎖匙出世既人幾不可一世，因為人地有大把錢，所以根本冇退休問題，佢地一出世就係退休狀態。依，咁我呢，我就想退休時有間村屋，前面有塊地可以同我個伴種下菜，種下花。超，食蕉喇，依家邊有地你種菜，有地都用左黎起賭地喇。我又冇話留係澳門。