Life

話說有一晚訓覺躲係被窩入面set鬧鐘時，玩下個手機既萬年曆，由2007年1月向下走，平均3秒就一年，玩左5分鐘左右，做左個5分鐘既時光旅行，真係玩到冷汗都出埋。 2015年-----自己究竟如何。 2030年-----我的親人如何。 2050年-----我的朋友如何。 2070年-----世界會如何。 呢d野唔唸又至可，一唸真係心寒，2015年自己會唔會係一個窮鬼。2030年我親人仲係唔係度，自己點接受呢樣野。2050年d朋友可以賣少見少。2070年自已都可能唔係度，仲理鬼個世界點樣咩。

好一個金玉其外，敗絮其中。 金玉其外：宮廷華麗，丈夫體貼妻子，夫親關愛兒子。 敗絮其中：各人各懷鬼胎。 又一夜宴的翻版，中國古代宮廷都是鬥個你死我活，最後兩敗俱傷的局面。戲中的親情，愛情完全是故弄玄虛。 不過我覺得故事性又幾好，好過睇依家d鬼佬戲得個特技，又成日翻拍同改編小說，我唔信戲會好睇過小說。當成個地下舖滿菊花又真係幾靚，菊花可以清熱去火。”菊，花之隱逸者也”，古時既詩人最鐘意菊花架喇。原來菊花係日本國花，講真，真係想像唔到。套戲勁爆乳，個個宮女走下，個度又跳下，如果女仔係個個時代冇番36D，都唔知點生存。